Muzeu Etnografik, një rrëfim për Vlorën përmes objekteve të së kaluarës
Në një godinë të mesit të shekullit XIX, Monument Kulture i Kategorisë së Parë në Vlorën e vjetër, Muzeu Etnografik ruan dëshmi të kulturës materiale të qytetit dhe krahinave përreth. Veshje tradicionale, vegla pune, tekstile, mjete peshkimi dhe objekte të mjeshtërive të dikurshme përcjellin përmes ekspozitës mënyra jetese dhe tradita të trashëguara ndër breza.