Organizatat e Shoqërisë Civile e kundërshtuan draftin e Kodit të ri Penal, duke paralajmëruar se nenet mbi shpifjen, fyerjen dhe ndikimin në drejtësi cenojnë lirinë e medias dhe krijojnë rrezik për ndëshkime arbitrare ndaj gazetarëve. Sipas tyre, formulimet janë të paqarta, dënimet të tepruara dhe rrezikojnë të përdoren politikisht për të frenuar raportimin kritik.
Shqipëria vijon të përjetojë humbje të thellë të kapitalit njerëzor si pasojë e emigrimit të profesionistëve të rinj dhe të arsimuar. “Largimi i trurit” ndikohet nga mungesa e perspektivës profesionale, liria e kufizuar akademike dhe dështimi i institucioneve për të zbatuar politikat ekzistuese. Ndërsa vendet e Ballkanit Perëndimor kanë përparuar në integrimin në programet kërkimore të BE-së, Shqipëria vijon të mbetet në fund të listës për pjesëmarrje dhe përfitime reale.
Në një rezolutë për Ballkanin Perëndimor, Parlamenti Evropian theksoi se mbrojtja e mjedisit dhe biodiversitetit në Shqipëri është thelbësore për integrimin në BE. Eurodeputetët kërkuan zbatimin e konventave ndërkombëtare dhe ndërprerjen e projekteve që sjellin pasoja të thella në mjedis.
Përkundër pasurisë arkeologjike dhe historike, qyteti i lashtë bregdetar i Durrësit vazhdon të mbetet jashtë hartës së mirëfilltë të turizmit kulturor shqiptar, duke zbehur pritshmëritë për vizitorë të qëndrueshëm dhe cilësor.
Festa e Detit, një aktivitet simbolik i trashëgimisë detare të Durrësit zhvilloi edicionin tradicional dhe në prag të 25 Qershorit – Ditës së Marinarit, vlerësoi me tituj nderi tre figura të detarisë durrsake.
Emocionet dhe traditat popullore të artistëve nga tetë vende të botës janë bashkuar në Durrës në Festivalin e Muzikës dhe Valleve, ngjarje kulturore e cila do të mbush me tinguj dhe ngjyra sheshin “Liria” përgjatë gjithë këtij sezoni veror.
Asociacioni i Gazetarëve të Shqipërisë denoncoi për shkelje të Kodit të Punës dhe mospagesa të kontributeve shëndetësore dhe shoqërore përgjatë tre viteve të fundit administrimin shtetëror të TV Ora, dikur në pronësi të familjes Ndroqi.
Pavarësisht shtimit të institucioneve që trajtojnë rastet e dhunës në familje dhe krijimit të aplikacioneve ndërgjegjësuese që përdorin teknologjitë më të fundit, gratë dhe vajzat viktima të dhunës me bazë gjinore në Shqipëri vazhdojnë të mos gjejnë hapësirat e duhura për raportimin përmes internetit.
Një grup aktivistësh paralajmërojnë një protestë kundër projektit të restaurimit të Burgut të Spaçit, që ka nisur të zbatohet nga Instituti Kombëtar i Trashëgimisë Kulturore. Sipas aktivistëve ndërhyrja po shkatërron memorien dhe është përpjekje për të fshirë historinë e ish-Burgut të Spaçit.
Misioni i vëzhguesve ndërkombëtarë i OSBE/ODIHR prezantoi gjetjet e raportit paraprak për zgjedhjet, duke evidentuar abuzimet me burimet shtetërore, frikësimin masiv dhe praninë e personave të paautorizuar, duke theksuar se Shqipëria nuk do të shkojë në BE pa zgjedhje cilësore.
