Pavarësisht protestave, qeveria i hap rrugë projektit strategjik të grupit turk RAMS në Vlorë
Vetëm pak javë pasi kryeministri Edi Rama deklaroi se ligji për investimet strategjike e kishte përmbushur misionin e tij, qeveria miratoi transferimin e 88.5 hektarëve tokë shtetërore për projektin “Vlorë TEDA/RAMS Free Zone”. Projekti me vlerë 100 milionë dollarë kishte marrë statusin e investimit strategjik në shkurt 2026 dhe do të zhvillohet nga “RAMS Albania”, kompani e kontrolluar nga Mehmet Faruk Bülbül, CEO i grupit turk RAMS Global.