Kur vota humbet kuptimin, Shqipëria përballet me demokraci pa pjesëmarrës
Zgjedhjet e pjesshme për 5 bashki sollën një tjetër fitore të thellë për partinë në pushtet, por me pjesëmarrje minimale të qytetarëve. Ky fenomen nuk është rastësor dhe ai reflekton humbjen e besimit te klasa politike, dobësimin e opozitës, si edhe konsolidimin e një pushteti që po bëhet gjithnjë e më autoritar. Shqipëria po përballet me një krizë përfaqësimi, ku fitorja elektorale nuk shoqërohet më me legjitimitet demokratik.