SPAK mbrojti në Gjykata Kushtetuese masën e pezullimit ndaj Belinda Balluku, duke e cilësuar atë proporcionale dhe të nevojshme për të shmangur komprometimin e provave. Gjykata mbylli seancën dëgjimore dhe u tërhoq për vendim, i cili pritet të jepet në seancën e radhës.
Gjykata Kushtetuese ka pezulluar procesin zgjedhor në Bashkinë e Tiranës, duke rrëzuar dekretin e Presidentit Begaj dhe vendimin e qeverisë për zgjedhje të reja. Ajo vendosi se shkarkimi i Veliajt ishte në shkelje të Kushtetutës, duke e rikthyer atë në detyrë.
Organizatat ndërkombëtare për lirinë e medias i bënë thirrje autoriteteve shqiptare të respektojnë vendimin e gjykatës dhe të heqin bllokadën policore mbi “Focus Media Group”.
Gjykata e Tiranës vendosi se ndërhyrja e shoqërisë shtetërore “KAYO” dhe Policisë së Shtetit në ambientet e “Focus Media Group” ishte joproporcionale dhe urdhëroi kthimin brenda 24 orëve të pajisjeve dhe dokumenteve të gazetarëve. Vendimi theksoi rëndësinë e mospengimit të punës së medias për shkak të mosmarrëveshjeve pronësore.
Këshilli Bashkiak i Durrësit miratoi hartën e përgjithshme të plazheve për sezonin veror të këtij viti, gjatë mbledhjes së radhës që u shoqërua me diskutime të gjera dhe debate. Në rendin e ditës u trajtuan edhe çështje të tjera me rëndësi për komunitetin, si procesi i rindërtimit pas tërmetit dhe transportit publik.
Gjykata e Posaçme e Shkallës së Parë shpalli fajtorë zyrtarët e bashkisë së kryeqytetit, por dha dënime minimale duke vendosur në shërbim prove titullaren e Klubit Sportiv Tirana, Deborah Keçi, dhe tre anëtarët e Komisionit të Vlerësimit të Ofertave, që akuzohen se krijuan avantazhe dhe privilegje për kompaninë e njohur si 5D.
