Ura e Orgockës mbi lumin Osum në Kolonjë, është rrënuar prej 6 vitesh dhe ka izoluar mbi 5 fshatra të Njësisë Administrative Çlirim, në Bashkinë Ersekë. Jeta e banorëve është paralizuar dhe shpopullimi është nxitur ndjeshëm pas izolimit nga shkatërrimi i urës monument kulture.
Detyrimet e vendosura nga “këshilli kombëtar” për restaurimin e urave Monument Kulture nuk u zbatuan nga ndërtuesit e hidrocentraleve dhe madje sipas ekspertëve, në disa raste këto ndërtues kanë kontribuar edhe në dëmtimin e tyre.
Ura e Subashit gjendet pranë rrugës Gjirokastër-Tepelenë dhe ruan ende këmbët e saj shekullore. Përmes një konstruksioni metalik mbi të kalon rruga drejt Labovës së Madhe dhe të Vogël, duke sjellë në vëmendje nevojën për mirëmbajtjen e urës.
