E shembur nga prurjet e lumit Osum, ura historike e Orgockës mbetet një strukturë e rrënuar, ndërsa banorët e zonës vazhdojnë të përballen me vështirësi në lëvizje. Megjithëse objekti është monument kulture, ndërhyrja për restaurimin e tij mbetet ende në fazë projektimi.
Ura e Orgockës mbi lumin Osum në Kolonjë, është rrënuar prej 6 vitesh dhe ka izoluar mbi 5 fshatra të Njësisë Administrative Çlirim, në Bashkinë Ersekë. Jeta e banorëve është paralizuar dhe shpopullimi është nxitur ndjeshëm pas izolimit nga shkatërrimi i urës monument kulture.
Shqipëria ka trashëguar dhjetëra ura si monumente kulture të kategorisë së parë – por një pjesë prej tyre i ka marrë lumi dhe të tjera rrezikojnë të shemben, duke shkaktuar vuajtje praktike dhe emocionale për komunitetet lokale.
