Në qendër të Shkodrës ka nisur ndërtimi i një kompleksi shumëkatësh që pritet të ndryshojë profilin urban të qytetit. Ndërsa punimet avancojnë, qytetarët ndahen mes idesë së zhvillimit modern dhe shqetësimit për humbjen e një hapësire që prej vitesh ishte pjesë e jetës urbane.
Gjatë operacionit policor “Ndërmollasi 2” në Shkodër u sekuestruan 11 armë zjarri, mijëra fishekë dhe materiale luftarake. Dy persona u arrestuan si të dyshuar për posedimin e tyre.
Reshjet e 6 janarit 2026 dëmtuan katër monumente kulture, ndërsa rreth dhjetë të tjerë rezultojnë në gjendje të amortizuar ose në risk. Disa prej tyre kanë marrë ndërhyrje emergjente, ndërsa për të tjerët projektet e restaurimit mbeten në planifikim.
Në bregdetin e Rrjollit, në Velipojë, familje që kanë tokë të trashëguar ndër breza po përballen me një investim strategjik që ka nisur punimet në zonë. Banorët kanë dalë në protesta për të kundërshtuar projektin, ndërsa çështja e pronësisë mbetet ende pa një përgjigje përfundimtare nga institucionet.
Në banesën më të vjetër të Durrësit, çdo copëz e saj ende ruan gjurmët e historisë. Aty ku dikur u ngrit Konsullata Austriake, farmacia e parë që shpërndante ilaçe falas dhe stacioni i parë meteorologjik i qytetit bregdetar, historia nuk ka mbaruar – ajo ka zgjedhur të jetojë.
Zbulimi i varrit monumental në Dibër, i cilësuar nga studiuesit si një fakt arkeologjik i Periudhës Romake u shndërrua shpejt në rrjetet sociale në krenari kombëtare dhe pretendime për madhështi historike. Një gjetje shkencore u transformua në narrativë nacionaliste, ku faktet arkeologjike u përzien me mite identitare.
Ekspozita “Shqipëria 1994, një popull në lëvizje” sjell në Durrës për herë të parë fotografitë historike të fotografit Gianni Bellesia, të realizuara menjëherë pas rënies së diktaturës, duke rikthyer kujtesën e një epoke plot vështirësi, sfida dhe shpresë.
Ura e Mesit në Shkodër, e ndërtuar në vitin 1768 nga Mehmet Pashë Bushati, është ura më e madhe e periudhës Osmane që ka mbijetuar në Shqipëri. Me një gjatësi prej 108 metrash, 13 harqe dhe sipërfaqe të shtruar me kalldrëm, ajo është shpallur monument kulture e kategorisë së parë që në vitin 1948 dhe sot është një nga objektet më të vizituara të kulturës në Shkodër.
Dy raste me sëmundjen e Murtajës së Ruminantëve të vegjël, ose siç njihet gjerësishtë murtaja, janë shfaqur brenda një jave tek bagëtitë në fermat e vendit tonë. Autoritet kanë futur në karantinë të plotë qindra krerë bagëti të imëta, ndërsa është ndaluar konsumi i mishit dhe produkteve të tij në zonat ku u shfaqën rastet.
Rreth 120 nxënës nga Shqipëria dhe të tjerë nga nëntë vende të ndryshme të botës u bënë pjesë e një ngjarje kulturore me në fokus trashëgiminë lokale. Të rinjtë krijuan një film të shkurtër duke përcjellë mesazhe mbi indentitetin, kujtesën dhe të ardhmen e përbashkët, i cili u prezantua për publikun në kuadër të “Odisesë së Kinemasë Pozitive”.
