Dy familje, banesat e të cilave u shembën në fund të janarit në zonën e Urës së Dajlanit në Durrës, kanë përgatitur paditë e para kundër Inspektoratit të Mbrojtjes së Territorit dhe bashkisë së qytetit. Me mbështetjen e organizatës “Drejtësi Sociale”, ato do t’i drejtohen Gjykatës Administrative duke kërkuar dëmshpërblim për dëmin pasuror dhe jopasuror.
Kompania ‘SEKA Hydropower’, që zbaton projektin e hidrocentralit në Parkun Kombëtar Zall-Gjoçaj, ka paditur dy aktivistë lokalë për fyerje dhe shpifje, pas deklaratave të tyre publike mbi ndikimin e HEC-eve në zonë. Banorët që prej vitesh kundërshtojnë ndërtimet brenda parkut, e shohin këtë si një përpjekje për tu ndalur zërin dhe për të zbehur betejën e tyre për mbrojtjen e mjedisit.
Zjarri që përfshiu Landfillin e Elbasanit në fillim të muajit korrik rezultoi me ndotje shumëfish mbi normat e lejuara të BE-së, ndërsa të martën është depozituar padia e parë kundër kompanisë së menaxhimit të mbetjeve dhe bashkisë për dëme shëndetësore nga ndotja e ajrit.
