Autoritetet e drejtësisë italiane dhe shqiptare pas një hetimi 5-vjeçar kanë goditur një nga organizatat kriminale më të rrezikshme në vend, me bazë në Durrës dhe me 3 nëndegë për trafikun ndërkombëtar të lëndëve narkotike. Në kërkim u shpall edhe Elvis Doçi, i njohur ndryshe si “Visi i Pojës”, së bashku me mbi 40 të dyshuar të tjerë.
Gazetarët e terrenit të disa prej mediave audiovizive në vend u përballën me sjellje agresive nga përfaqësuesit e Partisë Demokratike mbrëmjen e 16 majit, ndërsa raportonin protesën kundër procesit zgjedhor të 11 majit. Organizatat për lirinë e medias apeluan për përgjegjësi institucionale dhe morale nga opozita.
Në më pak se një muaj në vendin tonë aksidentet në vendin e punës kanë shkaktuar 7 viktima, ndërsa organizata e të drejtave të njeriut, Komiteti Shqiptar i Helsinkit ngriti shqetësimin për mungesën e parandalimit të tyre dhe se zëri i sindikatave ka munguar.
Prokuroria e Posaçme njoftoi se kryeplaku i fshatit Lusen në Kukës dhe një tjetër person janë përfshirë në veprime aktive duke premtuar dhe ofruar shuma monetare për zgjedhësit në disa fshatra, për të votuar në favor të Partisë Socialdemokrate (PSD). Ata janë proceduar penalisht për “Korrupsion aktiv në zgjedhje”.
Misioni i vëzhguesve ndërkombëtarë i OSBE/ODIHR prezantoi gjetjet e raportit paraprak për zgjedhjet, duke evidentuar abuzimet me burimet shtetërore, frikësimin masiv dhe praninë e personave të paautorizuar, duke theksuar se Shqipëria nuk do të shkojë në BE pa zgjedhje cilësore.
Në të gjithë vendin u raportuan sulme fizike, kërcënime dhe intimidime ndaj gazetarëve dhe punonjësve të medias. Policia njoftoi procedimin penal vetëm në një rast, ndërsa agresorët në një pjesë ishin anëtarë të krimit të organizuar. Rrjeti “Safe Journalists Albania” apeloi për ndërhyrjen e agjencive ligjzbatuese dhe hetimin e këtyre ngjarjeve.
Organizatat e Shoqërisë Civile që monitoruan procesin zgjedhor të 11 majit gjetën shkelje administrative dhe ligjore. Në një deklaratë të përbashkët ato raportuan për presione dhe cenim të rendit publik, duke apeluar për hetime të menjëhershme dhe të paanshme nga organet e drejtësisë.
Shkatërrimi i disa grupeve kriminale nga SPAK është pasuar nga fuqizimi i bandave të tjera, që ishin shumë aktive në periferinë e Durrësit, duke intimiduar votuesit më 11 maj dhe duke i orientuar në subjektet politike të lidhura me ta.
Të dielën e 11 majit 3.7 milionë shqiptarë kanë të drejtën e votës, në një proces që si risi ka votën e diasporës dhe partitë e vogla. Forcimi i fokusit tek krimi zgjedhor dhe përfshirja e ofertave politike të reja konsiderohen si fakorë që mund të vendosin në pikëpyetje të ardhmen e pushtetit socialist, që synon të marrë mandatin e katërt.
Turi prestigjioz i çiklizmit “Giro d’Italia” për herë të parë në historinë 108-vjeçare nisi nga Shqipëria dhe mblodhi 184 çiklistë nga vende të ndryshme të Evropës, në një garë që nisi me etapën e parë nga Durrësi drejt Tiranës. Çiklisti danez Mads Pedersen e mbylli garën në vendin e parë në kryeqytet.
