Në një tryezë ku u diskutua për integritetin e zgjedhjeve, kreu i SPAK, Altin Dumani dhe kryekomisioneri Ilirian Celibashi ndanë të dhënat për hetimet dhe problemet që shoqëruan proçesin zgjedhor të 11 majit në vendin tonë.
Festa e Detit, një aktivitet simbolik i trashëgimisë detare të Durrësit zhvilloi edicionin tradicional dhe në prag të 25 Qershorit – Ditës së Marinarit, vlerësoi me tituj nderi tre figura të detarisë durrsake.
Pavarësisht shtimit të institucioneve që trajtojnë rastet e dhunës në familje dhe krijimit të aplikacioneve ndërgjegjësuese që përdorin teknologjitë më të fundit, gratë dhe vajzat viktima të dhunës me bazë gjinore në Shqipëri vazhdojnë të mos gjejnë hapësirat e duhura për raportimin përmes internetit.
Flutura Kusari, aktiviste për lirinë e medias në Kosovë, ka nisur një betejë ligjore kundër Mentor Llugaliut, mbështetës i Vetëvendosjes, për ngacmime dhe fyerje online që kanë zgjatur 3 vjet. Organizatat ndërkombëtare e mbështetën aktivisten, duke kërkuar hetim të shpejtë dhe të plotë të rastit.
Stina e verës ka hapur kalendarin e aktiviteteve kulturore në qytetin bregetar, ku Amfiteatri dhe sheshi “Liria” janë epiqendra e koncerteve, ndërsa nuk do të mungojnë shfaqjet dhe ekspozitat e artit figurativ.
Siguria në plazhe është problematika që po shoqëron sezonin turistik veror në Durrës. Task Forca Ndërinstitucionale gjatë një aksioni gjeti mungesë të rojeve brgedetare në kullat e vrojtimit, ndërsa që në nisje të sezonit janë shënuar humbje jetë dhe të lënduar.
Policia arrestoi pronarin e një mjeti detar pas ngjarjes ku ngeli i plagosur një turist 21-vjeçar në plazhin e Shkëmbit të Kavajës.
Përfundoi rituali fetar 13-javor në “Kishën e Shna Ndout” në Laç, ku mijëra besimtarë u lutën dhe ndezën qirinj, ndërsa peligrinazhi kulmoi me mbrëmjen e fundit të kaluar pranë kishës që i kushtohet shenjtorit “Shën Andoni”.
Këshilli Bashkiak i Durrësit miratoi hartën e përgjithshme të plazheve për sezonin veror të këtij viti, gjatë mbledhjes së radhës që u shoqërua me diskutime të gjera dhe debate. Në rendin e ditës u trajtuan edhe çështje të tjera me rëndësi për komunitetin, si procesi i rindërtimit pas tërmetit dhe transportit publik.
Të mërkurën ndërroi jetë regjisori dhe skenaristi i njohur, Leka Bungo. Ai mbylli sytë në moshën 81-vjeçare duke lënë pas gjurmë artistike edhe si aktor.
