Përfundoi rituali fetar 13-javor në “Kishën e Shna Ndout” në Laç, ku mijëra besimtarë u lutën dhe ndezën qirinj, ndërsa peligrinazhi kulmoi me mbrëmjen e fundit të kaluar pranë kishës që i kushtohet shenjtorit “Shën Andoni”.
Këshilli Bashkiak i Durrësit miratoi hartën e përgjithshme të plazheve për sezonin veror të këtij viti, gjatë mbledhjes së radhës që u shoqërua me diskutime të gjera dhe debate. Në rendin e ditës u trajtuan edhe çështje të tjera me rëndësi për komunitetin, si procesi i rindërtimit pas tërmetit dhe transportit publik.
Të mërkurën ndërroi jetë regjisori dhe skenaristi i njohur, Leka Bungo. Ai mbylli sytë në moshën 81-vjeçare duke lënë pas gjurmë artistike edhe si aktor.
Piktori nga Durrësi, Fatmir Vasjari, prezantoi për publikun ekspoziten e katërt personale. Ajo i solli publikut portrete realiste të emrave të njohur për qytetin dhe do të qëndrojë e hapur për të pritur publikun për disa ditë.
Dy raste me sëmundjen e Murtajës së Ruminantëve të vegjël, ose siç njihet gjerësishtë murtaja, janë shfaqur brenda një jave tek bagëtitë në fermat e vendit tonë. Autoritet kanë futur në karantinë të plotë qindra krerë bagëti të imëta, ndërsa është ndaluar konsumi i mishit dhe produkteve të tij në zonat ku u shfaqën rastet.
Shoqëria civile në Shqipëri dhe në rajonin e Ballkanit Perëndimor po nxit përforcimin e kapaciteteve për kërkimin shkencor dhe inovacionin, duke kërkuar bashkëpunimin rajonal dhe afrimin me Bashkimin Evropian.
Falja e madhe e festës së Kurban Bajramit u krye në Durrës në sheshin përpara Myftinisë, ku u bashkuan me lutje qindra besmitarë. Imami i Xhamisë së Madhe, Ervin Qylafku, përcolli urimin e kësaj feste dhe ftoi besimtarët për solidaritet.
Një nga veprat simbolike të qytetit të Durrësit, skulptura urbane “Peshkatari” është dëmtuar sërish. Nuk është hera e parë që veprat e artit dhe trashëgimisë kulturore bien pre e dëmtimeve, por autoritetet nuk po marrin ende masa mbrojtëse për to megjithëse rastet po përsëriten.
Orkestra rinore italiane “Magna Grecia” i dha jetë artistike Amfiteatrit të Durrësit me muzikë klasike të disa prej kompozitorëve më të famshëm italianë duke krijuar një atmosferë magjike. Koncerti “Mesdheu në muzikë” ishte një homazh ndaj traditës muzikore mesdhetare.
Një grup aktivistësh paralajmërojnë një protestë kundër projektit të restaurimit të Burgut të Spaçit, që ka nisur të zbatohet nga Instituti Kombëtar i Trashëgimisë Kulturore. Sipas aktivistëve ndërhyrja po shkatërron memorien dhe është përpjekje për të fshirë historinë e ish-Burgut të Spaçit.
