Shqipëria përfiton shumë pak nga programet kërkimore të BE-së, si “Horizon Europe”, krahasuar me vendet e tjera të Ballkanit. Shkak janë mungesa e kapaciteteve, përvojës dhe infrastrukturës kërkimore, por edhe lidhjet e dobëta mes universiteteve dhe sektorit privat, duke mbetur si pjesëmarrëse në nivelin e koordinatorëve të projekteve – pra si partnerë të vendeve të tjera.
Shqipëria vijon të përjetojë humbje të thellë të kapitalit njerëzor si pasojë e emigrimit të profesionistëve të rinj dhe të arsimuar. “Largimi i trurit” ndikohet nga mungesa e perspektivës profesionale, liria e kufizuar akademike dhe dështimi i institucioneve për të zbatuar politikat ekzistuese. Ndërsa vendet e Ballkanit Perëndimor kanë përparuar në integrimin në programet kërkimore të BE-së, Shqipëria vijon të mbetet në fund të listës për pjesëmarrje dhe përfitime reale.
Shoqëria civile në Shqipëri dhe në rajonin e Ballkanit Perëndimor po nxit përforcimin e kapaciteteve për kërkimin shkencor dhe inovacionin, duke kërkuar bashkëpunimin rajonal dhe afrimin me Bashkimin Evropian.
