Gjykata e Tiranës vendosi se ndërhyrja e shoqërisë shtetërore “KAYO” dhe Policisë së Shtetit në ambientet e “Focus Media Group” ishte joproporcionale dhe urdhëroi kthimin brenda 24 orëve të pajisjeve dhe dokumenteve të gazetarëve. Vendimi theksoi rëndësinë e mospengimit të punës së medias për shkak të mosmarrëveshjeve pronësore.
Gjykata e Posaçme e Shkallës së Parë shpalli fajtorë zyrtarët e bashkisë së kryeqytetit, por dha dënime minimale duke vendosur në shërbim prove titullaren e Klubit Sportiv Tirana, Deborah Keçi, dhe tre anëtarët e Komisionit të Vlerësimit të Ofertave, që akuzohen se krijuan avantazhe dhe privilegje për kompaninë e njohur si 5D.
Operacionet policore për ndalimin e trafikantëve të veprave të artit po rezultojnë flluska me pasoja për tregtarët dhe anëtarët e komunitetit rom. Dogana Shqiptare pretendon se ka ekspertizë, por nuk ka një databazë për veprat e artit të grabitura, ndërsa në vend theksohet mungesa e ekspertëve të profilizuar në vlerësimin e tyre.
Shkatërrimi i një prej simboleve të trashëgimisë kulturore të Shqipërisë në Porto-Romano, gjatë ndërtimit të portit të hidrokarbureve sipas Prokurorisë dhe Gjykatës së Durrësit nuk përbën vepër penale. Pas një hetimi 4 vjeçar, ata u fshehën pas një akt-ekspertize që tregonte një situatë ndryshe nga e vërteta në terren dhe pushuan çështjen ndaj Kompanisë Kastrati.
