Në një takim me përfaqësues të biznesit ushqimor, ambasadori i Bashkimi Evropian në Shqipëri, Silvio Gonzato, kërkoi forcimin e kontrollit dhe standardeve në sigurinë ushqimore. Ai vuri theksin se funksionimi real i sistemeve dhe përmbushja e kërkesave janë thelbësore për të mos mbetur pas në procesin e integrimit në BE.
Podkasti i kryeministrit Edi Rama me përfaqësuese të ambasadës dhe studente kineze shkoi përtej një bisede me fokus te gjuha shqipe. Ai funksionoi si një formë komunikimi diplomatik në një format të kontrolluar, duke sugjeruar përpjekje për të ruajtur kanale të hapura me Kinën përmes ndikimit kulturor, ndërsa sipas ekspertëve kjo qasje duhet të shmangë çdo paqartësi për orientimin euro-atlantik të Shqipërisë.
Posta Shqiptare është përballur me një sulm kibernetik, duke rikthyer në vëmendje nivelin e mbrojtjes së infrastrukturës digjitale në institucionet publike shqiptare.
Organizata vendase dhe rajonale të gazetarëve kanë reaguar pas incidentit në një konferencë për shtyp të Kryeministrit Edi Rama me gazetaren Ambrozia Meta. Ato paralajmërojnë se përjashtimi i gazetarëve dhe retorika ndaj mediave kritike mund të krijojnë precedent për kufizimin e aksesit në informacion publik.
Çështja e projektit TID në Durrës mbetet pa zgjidhje edhe pas takimit me kryeministrin, pasi banorët kundërshtojnë kushtet e ofruara për shpronësim dhe zhvendosje. Ata kërkojnë shtyrje të afateve, pezullim të shembjeve dhe shqyrtim ligjor të çdo rasti, duke paralajmëruar përshkallëzim të reagimit.
