Pas një sezoni të gjatë dhe intensiv në superligën e basketbollit shqiptar për meshkuj, ka nisur faza e gjysmëfinaleve të “playoff”-it. Teuta Basket dhe Besëlidhja e Lezhës, janë dy skuadrat që fituan sfidat e para gjysmëfinale, duke hedhur kështu hapin e parë drejt finaleve.
Policia e Shtetit identifikoi mbajtësin e paligjshëm të një luani në Fier, që u shfaq në mediat sociale, por dështoi ta zbulonte rastin më herët, duke u përballur me pretendimet se luani kishte ngordhur dhe e procedoi pronarin në gjendje të lirë.
Kryeministri Edi Rama i ka premtuar shqiptarëve dinjitetin përmes pasaportës së BE-së, duke nënkuptuar se deri më tani atyre i ka munguar dinjiteti. Mënyra se si ai ka qeverisur që nga viti 2013 i jep të drejtë të pohojë një gjë të tillë. Tani shqiptarët janë përballë sprovës përfundimtare nëse do ta pranojnë këtë logjikë apo nëse do të ndryshojnë kursin e historisë, duke i rrudhur pushtetin një autokrati dhe duke i hapur kështu mundësinë një elite të re politike për vendin.
Rindërtimi i Gjimnazit Gjergj Kastrioti në Durrës, që u shemb pas dëmtimit nga tërmeti i 26 nëntorit 2019, nuk është më pjesë e programit të rindërtimit të Bashkimit Evropian. Ky investim është zëvendësuar me një projekt tjetër, ndërsa kalimi tek autoritetet ka ngjallur dyshime për fatin e zbulimeve arkeologjike, që po degardohen dita-ditës.
Është përkujtuar në Durrës 7 prilli, ajo që në histori njihet si Dita e Rezistencës ndaj pushtimit fashist të vendit tonë. 86 vite më parë ushtria italiane pushtoi vendin tonë, por patriotët shqiptarë, të drejtuar nga Mujo Ulqinaku e pritën me rezistencë stoike, duke rënë dëshmorë në frontin e betejës.
Një objekt kulti në fshatin Dragostunjë të Librazhit ra pre e grabitjes, ndërsa policia vendore bëri me dije se identifikoi autorin e dyshuar dhe e shpalli atë në kërkim. Vlera e marrë dyshohet të jetë rreth 5 mijë euro dhe ishte dhuruar gjatë muajit të Ramazanit dhe Fitër Bajramit.
Një ditë pasi mbushi 91 vjeçe, ikona e kinematografisë dhe teatrit shqiptar, Margarita Xhepa, ndërroi jetë ditën e enjte. E vlerësuar edhe me titullin “Nderi i Kombit”, ajo numëron 182 role, mes të cilave 32 në kinematografi dhe 150 në skenën e teatrit.
KLSH zbuloi se Ministria e Ekonomisë, Kulturës dhe Inovacionit (MEKI) nuk ka hartuar apo miratuar ende 46% të akteve nënligjore të Ligjit për Trashëgiminë, i miratuar në vitin 2018. Ndërsa edhe rekomandimet e lëna nga misionet e UNESCO-s nuk merren në shqyrtim nga MEKI dhe nuk adresohen në autoritetet e tjera.
“Fuqia është e rrezikshme. Ajo rritet duke e zbehur perceptimin, duke turbulluar vizionin, duke e burgosur viktimën e saj në një atmosferë të ftohtë izolimi. Brerorja e pagabueshmërisë intelektuale, e cila është vetëkrijuar nga lideri është rreziku më i madh i çdo demokracie” – shkruante Franklin Roosevelt.
Kur problemet e pazgjidhura nga shkenca normale – të cilat filozofi Thomas Kuhn i quan “anomali” – kanë arritur një numër të madh apo një masë kritike dhe duket se ajo ka vështirësi të përparojë, paradigma (pra sistemi, modeli) shkencor futet në krizë. Me rikthimin në pushtet të Donald Trump ra edhe paradigma, duke shkaktuar lindjen e një epoke të re.
