Shembjet në emër të përmbytjeve: Banorët padisin IMT-në dhe Bashkinë Durrës
Dy familje, banesat e të cilave u shembën në fund të janarit në zonën e Urës së Dajlanit në Durrës, kanë përgatitur paditë e para kundër Inspektoratit të Mbrojtjes së Territorit dhe bashkisë së qytetit. Me mbështetjen e organizatës “Drejtësi Sociale”, ato do t’i drejtohen Gjykatës Administrative duke kërkuar dëmshpërblim për dëmin pasuror dhe jopasuror.