Shqipëria ka trashëguar dhjetëra ura si monumente kulture të kategorisë së parë – por një pjesë prej tyre i ka marrë lumi dhe të tjera rrezikojnë të shemben, duke shkaktuar vuajtje praktike dhe emocionale për komunitetet lokale.
Detyrimet e vendosura nga “këshilli kombëtar” për restaurimin e urave Monument Kulture nuk u zbatuan nga ndërtuesit e hidrocentraleve dhe madje sipas ekspertëve, në disa raste këto ndërtues kanë kontribuar edhe në dëmtimin e tyre.
E papërdorshme si pasojë e dëmtimit të një prej këmbëve, Ura e Zonjës është Monument Kulture i Kategorisë së Parë në Libohovë dhe një prej atraksioneve turistike tërheqëse jashtë qytetit të gurtë të Gjirokastrës. Megjithatë objekti që po degradohet mbetet në pritje të zbatimit të një projekti restaurimi, që nuk dihet se kur do të nisi.
