Ministri Blendi Gonxhja shpalli si sukses marrëveshjen me koncesionarin e portit për “restaurimin” e monumentit antik “Muret e Portës” në Porto-Romano. Por më herët kompania Porti MBM, e drejtuar nga Kastrati Group, rrafshoi pjesën më simbolike të tij – portën hyrëse – rreth 25 metra të murit fortifikues.
Reshjet e dendura të shiut rikthyen përmbytjet në qytet, duke shkaktuar kaos në rrugë, trafik të rënduar dhe aksidente. Tragjikisht, një 43-vjeçar humbi jetën pasi ra në kontakt me një shtyllë elektrike të dëmtuar në lagjen nr.6.
Në Berat u arrestuan pronari i një kompanie eksporti fruta-perimesh dhe dy inspektorë të AKU-së, pasi Kroacia bllokoi 8 ton domate me pesticidin e ndaluar ‘Chlorfenapyr’. Në magazinën e subjektit u sekuestruan edhe perime të tjera të dyshuara si të kontaminuara.
Fotografi italian Fabrizio Loiacono hapi në Durrës ekspozitën e tij të parë në Shqipëri, titulluar “Glance off it”, Rrëshqitje, me 16 fotografi abstrakte. Ekspozita do të qëndrojë e hapur nga 5 deri më 28 shtator.
Artikulli i The Atlantic mbi “socializmin e djathtë” të Trump ngre pyetje mbi kufijtë klasikë mes të majtës dhe së djathtës. Megjithëse vendime si blerja e aksioneve të Intel nuk përbëjnë akte socializmi, ato tregojnë një të djathtë që ka braktisur neoliberalizmin dhe ka pranuar një rol më aktiv të shtetit në ekonomi, duke mbrojtur punëtorët dhe interesin kombëtar. Ky trend, i quajtur kapitalizëm kombëtar ose nacional-kapitalizëm, shihet si një rrugë e re për të djathtën, sidomos në SHBA dhe Evropë.
Piktorja Shpresa Milaqi-Bajko çeli në Galerinë “Nikolet Vasia” në Durrës ekspozitën e saj të 12-të personale titulluar “Verë”, me 99 tablo plot dritë e ngjyra, ku spikasin peizazhet e qytetit dhe energjia e stinës së verës.
Është ndarë nga jeta regjisori i njohur Dhimitër Anagnosti, një nga figurat më të rëndësishme të kinematografisë shqiptare, autor i filmave që lanë gjurmë në kulturën kombëtare.
Policia e Durrësit arrestoi ish-kreun e Inspektoriatit Vendor të Mbrojtjes së Territorit, Ardian Halili, i akuzuar për ndërtim pa leje në Ishëm gjatë kohës që ushtronte detyrën. Halili drejtoi institucionin nga maji i vitit 2018 deri në prill të vitit 2021, kur u largua mes polemikave me bashkinë e qytetit bregdetar.
Organizatat ndërkombëtare për lirinë e medias i bënë thirrje autoriteteve shqiptare të respektojnë vendimin e gjykatës dhe të heqin bllokadën policore mbi “Focus Media Group”.
Biblioteka Publike e Durrësit vijon të funksionojë në dy mjedise të ndara, ndërsa bashkia e qytetit paguan më shumë për qira objekti sesa për pasurimin me libra, ndërkohë që ndërtesa qëndrore ka nevojë për ndërhyrje urgjente.
