Ndër vite qytete të tjera simbol të vlerave kulturore, si Gjirokastra, Berati, Shkodra dhe të ngjashëm me to kanë rënë pre e abuzimit në emër të zhvillimit urban, duke shkatërruar vlerat arkeologjike dhe historike. Kjo solli nevojën që fokusi i raportimit të zgjerohej përtej rajonit të Durrësit.
Sot Media Amfora nuk përfaqëson më vetëm kontributin e themeluesit të saj, por të një ekipi bashkëpunëtorësh të përbërënga gazetarë profesionistë, fotograf, operator, editor dhe ekspertë të fushës së medias.
Viti 2021 shënoi një rritje të produkteve mediatike dhe kapaciteteve teknike e humane, përmes një bashkëpunimi me BritishCouncil, në kuadër të projektit “Media për të Gjithë”, mbështetur nga Qeveria Britanike.
Nisi krijimi i një cikli video-dokumentarësh të shkurtër, ku promovohet historia e qytetit të Durrësit, duke nisur ngaperiudha e prehistorisë deri në atë moderne, përmes serisë së videove “Kultura në 1 minutë”.
Gjithashtu krijimi i një cikli podcast-esh të quajtura “Zëri i kulturës”, promovon histori, personazhe dhe nisma që synojnë të nxisin diskutimin publik.
Gjithashtu përmes nismës “Raportimi i Qytetarëve të Angazhuar” janë ftuar të apasionuarit dhe të gjithë qytetarët që tëraportojnë mbi raste konkrete që lidhen me trashëgiminë kulturore dhe arkeologjinë, duke dhënë informacione apoplotësuar pyetësorët që publikohen në faqe, lidhur me opinionet që ata kanë për trashëgiminë kulturore materiale apo rasteqë duhen raportuar nga media.
Misioni i Medias Amfora mbetet ekspozimi, ruajtja dhe promovimi i arkeologjisë dhe trashëgimisë sonë kulturore, mefokus në rajonin e Durrësit. Vijimi i këtij misioni do të ishte i pamundur pa besimin që lexuesit na kanë dhënë dhe pa mbështetjen e qindra dashamirësve të arkeologjisë dhe trashëgimisë kutlurore, që kanë ofruar bashkëpunimin e tyre.
Në 5 vjetorin e themelimit të Medias Amfora, ajo u vlerësua me titullin e lartë “Mirënjohja e Qytetit”, dorëzuar nga kryetari i “Shoqatës Durrësi Autokton”, Abdulla Deliallisi, me motivacionin: “Për kontributin në informimin me paanësi dhe profesionalizëm të problemeve në fushën e trashëgimisë kulturore, si edhe ekspozimin e tyre në rajonin e Durrësit”.

The post 5 vite Media Amfora, dedikuar arkeologjisë dhe monumenteve të kulturës first appeared on Amfora.

Mbrëmjen e 11 shkurtit Media Amfora u nderua me titullin e lartë “Mirënjohja e Qytetit”, dorëzuar nga Shoqata Durrësi Autokton.

Kryetari i shoqatës, Abdulla Deliallisi, e çmoi si të suksesshme punën e Medias Amfora në këto vite dhe vlerësoi cilësinë e raportimit prej saj.

“Është një guxim i madh, një iniciativë e madhe dhe aftësi e inteligjencë e këtyre të rinjve, të cilët marrin përsipër të tilla angazhime, e sidomos në atë që ka edhe në statusin e vet Shoqata Durrësi, në lidhje me ruajtjen e vlerave kulturore, arkeologjike, historike të qytetit”, u shpreh Deliallisi.

Titulli ju dorëzua në emër të Medias Amfora, themeluesit dhe drejtuesit të saj, Geri Emiri, me motivacionin: “Për kontributin në informimin me paanësi dhe profesionalizëm të problemeve në fushën e trashëgimisë kulturore, si edhe ekspozimin e tyre në rajonin e Durrësit”.

“Ky vlerësim është një kontribut që shkon jo vetëm për qytetin e Durrësit, por për të gjithë ne që jemi në këtë ceremoni dhe ‘kemi vendosur nga një tullë’ në atë që Media Amfora përfaqëson sot”, deklaroi drejtuesi i Medias Amfora, Geri Emiri.

“Do të mundohemi ta vazhdojmë misionin tonë për informimin me objektivitet, paanësi dhe për ruajtjen e trashëgimisë kulturore”, përfundoi ai përpara të pranishmëve.

Ceremonia u zhvillua në 5 vjetorin e themelimit të Medias Amfora, më 11 shkurt 2017. Të pranishmit ishin nga fusha e medias, arkeologjisë, trashëgimisë kulturore pedagogjisë, shoqërisë civile dhe trashëgimisë kulturore.

“Amfora.al” ka në fokus raportimin me karakter hulumtues mbi abuzimin me arkeologjinë dhe monumentet e kulturës.  

Gjithashtu ajo ka qasjen promovuese të trashëgimisë sonë kulturore, me misionin për: Ekspozimin, ruajtjen dhe promovimin e arkeologjisë dhe trashëgimisë sonë kulturore, me fokus në rajonin e Durrësit.

_________

Foto në krye: Gjatë dorëzimit të titullit “Mirënjohja e Qytetit” të Durrësit, nga kryetari i Shoqatës Durrësi Autokton, Abdulla Deliallisi, tek përfaqësuesit e Medias Amfora, Geri Emiri dhe Livia Kreko. Foto: Griseld Hoxha.

The post Media Amfora nderohet me titullin “Mirënjohja e Qytetit” të Durrësit first appeared on Amfora.

Kryetari i shoqatës, Abdulla Deliallisi, çmoi angazhimin e të rinjve në krijimin e një komuniteti për përdoruesit e biçikletës në qytet dhe angazhimin për krijimin e infrastrukturës së nevojshme.

“Për kontributin në krijimin e një grupi qytetar me në fokus përdoruesit e biçikletës, për promovimin e lëvizjes me biçikletë si një stil jetese, advokimin për infrastrukturën e biçikletave dhe kontributin në mbrojtjen e mjedisit në Durrës”, ishte motivacioni që Deliallisi i dorëzoi titullin përfaqësuesve të grupimit.

Ceremonia u zhvillua në 6 vjetorin e themelimit të grupimit qytetar “Bicycle Durrës”, të cilët janë përdorues dhe dashamirës të biçikletës.

Themelimi i tij u bë me datë 20 dhjetor 2015 dhe ai është i hapur për të gjithë qytetarët dhe përdoruesit e biçikletës, të cilët duan të krijojnë një komunitet të tyrin.

“Bicycle Durrës” synon t’i japë më shumë rëndësi përdorimit të biçikletës në qytet, në një kohë kur ndotja atmosferike ka arritur shifra të larta dhe urbanizimi me ritme të shpejta, ka shtuar numrin e automjeteve, duke e vështirësuar lëvizjen në rrugët e qytetit.

Ky grupim synon të përcjell tek institucionet vendore kërkesat për respektimin e përdoruesve të biçikletës në qytetin e Durrësit, që përkthehet në kërkesa për sinjalistikë, vend-parkime dhe korsi të dedikuara.

Titulli ju dorëzua në emër të grupimit, përfaqësuesve të tyre, Ogert Keçi, Marjeta Guzi, Klaudio Hyseni, Edlira Saliu, Geri Emiri dhe Xheni Shtemari. Ata u shprehën se ky titull mirënjohje i dedikohet anëtarëve të grupimit, përdoruesve të biçikletës dhe vlerave të qytetarisë që Durrësi përfaqëson.

_________

Foto në krye: Titulli “Mirënjohja e Qytetit”, për grupimin qytetar “Bicycle Durrës”, nga Shoqata Durrësi Autokton. Foto: Griseld Hoxha.

The post Grupimi “Bicycle Durrës” nderohet me titullin “Mirënjohja e Qytetit” first appeared on Amfora.